|
| SFXC 0:4 DBS 結束了... 今年既學界曲棍球就咁完左 次次我都淨係可以知道個賽果 打成點,點入波,點失波... 我都一無所知... 唔知道...我...仲算唔算係你地既一份子呢? | | |
| 第一場 SFXC vs DBS 27/10 學界曲棍球開始啦,但係我個身份已經唔同左... 我再唔可以著上聖芳濟件校隊杉... 我再唔可以企係左中場度... 我再唔可以改寫積分牌上雙方的比數... 因為我已經唔再係聖芳濟既七號 我只可以靜觀賽果... 唉...要怪就怪自己啦... btw, 希望你地旗開得勝 =] | | |
| 七月廿一 朝早去睇蝙蝠俠,個戲院又細又凍,又唔好坐... 所以都唔知係套戲唔好睇定係無心機睇,覺得套戲麻麻 睇完去買碌卡版大富翁,之後去fat鍾屋企玩 到最後,我係第一個輸,賴貓算係嬴左-3- 玩到十一點九唸往搭車返屋企,點知等到十二點半先發覺尾班車一早開左- -" 唯有在fat鍾家借宿一宵,傾計傾到四點幾先訓 成晚都唔係訓得幾好,係咁醒,起身之後好似無訓過咁,勁眼訓...- -" 七月廿二 大型小學gathering 同fat鐘食完lunch之後搭車返屋企... 沖完涼之後訓左一粒鐘倒,訓醒無幾耐,陳益豐就黎左我屋企 跟住一齊去家樂坊,我地早到,所以行左陣 等到人齊搭小巴去西貢...唔知點解三個字既車程會咁耐呢? 到站之後,等埋另外四個之後上船去... 開到海中心,船家開始裝燈,我地食完野之後,亦開始挫墨魚 挫左陣就有人挫倒,等我地以為好易挫倒... 係咁望住個海挫來挫去,經過三十分鐘後,我地個收穫除左第一條之外係0嫁-O- 最後我地都係選擇放棄,搵其他野玩 唸往唱k,又發覺d歌太舊...唯有睇人地打牌 到十點,船家開始回航,十一點準時回到碼頭 之後去滿記食糖水,食完十二點搭車走人 一點返到屋企,沖完涼大教訓... 總括:今次係最齊人既gathering,有十七人 見返幾個好耐冇見既小學同學,除左個樣大個左之外,都冇咩變 因為尋晚訓得唔好,攪到勁眼訓,同埋勁標冷汗,個頭又勁痛- -" 攪到成個gathering都勁唔舒服,但係整體黎講,都係個開心既gathering  大合照
 本來全男班，點知插左兩個女仔入黎- - 一蚊涼粉 =] | | |
| 華菁盃U21 第四名 昨天一早起床見落雨,以為唔駛打,點知我出門口個陣又停左 參賽隊伍有八隊,我地就和左六場,贏得一場,得九分,差第三個隊一分...- - 關鍵在於第一場和左俾最廢個隊,加上我自己廢,結果... 總結:有東菁參加既賽事,而我又係打聖芳濟個邊既話...我係一定冇獎嫁!  比李sir拍倒我最帥的一刻...- -"
夜晚小型小學gathering,因為尹同學十五號要走,去cafe玩 因為遲左出門口,所以要行快d,點知行行下發覺抽抽地筋...- - 到了cafe後,佢地揀了坐地下,搞到我抽筋抽足全程,抽抽下咁勁痛苦...>^<" 中途不斷有人離席...走走下又好似上次一樣,淨返陳同學一個女仔...真係夠義氣! 玩大富翁到十一點,之後本話去瓊華射籃球,之後變左影貼紙相... 十二點回到家...這次聚會見返一d由小六畢業之後都未見過ge小學同學... 發覺個個都靚女左靚仔左,特別係尹同學,帥到好似去整過容咁 期待廿二號的大型小學gatheing... 今日攰到兩點才起床-V-  大合照
| | |
| 不知所謂的三日兩夜camp 7月6日 三點約在東涌乘車入梅窩,搭緊入去個陣雨越落越大,落到車就橫風橫雨,未租倒單車都濕曬,等人送我地入營地之後,發覺惡夢才開始,一進去便看見一隻螳螂在耍螳螂拳,幸好有肥樺幹掉牠...整房子充滿蟲蟲- -"夜晚出去踩單車,又踢倒青蛙又踩屎- -" 7月7日 終於有得換房,安頓好後,出去食早餐,食完去踢波,踢左陣就已經勁攰,番去沖完涼之後,出去買料打邊爐,打到飽飽的,之後又發現一隻黃色既飛天螳螂,好彩又有肥樺...跟住玩大富翁,一開始勁差,之後與fat鐘聨手後,靠山村道成了大贏家^^   黃色飛天螳螂
7月8日 九點幾俾人叫醒,懵懵下咁樣等沖涼,沖完涼汁好野正式離開這鬼地方,點知踩踩下部單車,把傘kick左落去個前碌到,最後正式報銷...三點半返到屋企,梳洗一番後,大覺訓... 總括此camp,不知所謂的天氣、不知所謂的營地、不知所謂的活動、不知所謂的... 期待左咁耐既camp,結果搞成咁...真係...唔通連個天都唔中意我 | | |
|
|
